Sefydlwyd Dysgu Proffesiynol Amrywiaeth a Gwrth-hiliaeth (DARPL), Prosiect sydd wedi ennill Gwobr Addysg Uwch The Times yn ddiweddar a model dysgu proffesiynol cenedlaethol sy’n cynnwys darpariaethau ac adnoddau proffesiynol gwrth-hiliaeth ar gyfer gweithwyr addysg proffesiynol, fel Cymuned Ymarfer yn 2021, wedi’i ariannu gan Lywodraeth Cymru ac a sefydlwyd ym Mhrifysgol Metropolitan Caerdydd.

Mae tîm DARPL wedi gwneud cynnydd rhyfeddol yn llywio ac yn cefnogi arweinwyr ar draws system Addysg Cymru a’r gweithlu Gofal Plant a Gwaith Chwarae yng Nghymru, gyda chyfraniad rhagorol ym maes Cydraddoldeb, Amrywiaeth a Chynhwysiant drwy ennill Gwobr Addysg Uwch The Times yn 2023. 

Mae DARPL yn arwain ym maes dysgu proffesiynol hanfodol a chefnogol i greu newid cymdeithasol dwfn a diwygio systemig drwy effeithio ar arweinyddiaeth gwrth-hiliaeth ar draws y system Addysg gyfan yng Nghymru. Mae Cymuned Ymarfer DARPL yn tynnu ar ein profiad bywyd a phroffesiynol er mwyn cael effaith yng Nghymru, y DU ac yn fyd-eang. Trwy gyd-greu diwylliant gwrth-hiliaeth trwy ddysgu proffesiynol, rydym yn ysbrydoli ac yn galluogi arweinwyr i gyfoethogi a diogelu plant a phobl ifanc ledled Cymru; datblygu dysgwyr uchelgeisiol, galluog fel unigolion iach, hyderus; fel cyfranwyr mentrus, creadigol; dinasyddion moesegol, gwybodus, sy’n ymwybodol o ddiwylliant,.

Mae DARPL yn dod â thîm amrywiol ynghyd o ddarparwyr â phrofiad bywyd a phroffesiynol drwy hwb dysgu ac adnoddau proffesiynol gyda safbwynt Cymreig wrth godi ymwybyddiaeth hiliol amlddisgyblaethol, wrth i ni gyd weithio gyda’n gilydd o fewn y Cwricwlwm Newydd i Gymru.