Mae’r Gyfres Arweinyddiaeth Well wedi cael ei dylunio ar gyfer arweinwyr ym meysydd Gofal Plant, Gwaith Chwarae a’r Blynyddoedd Cynnar, pob Ysgol (Cynradd, Uwchradd, lleoliadau amgen,) arweinwyr Gwella Addysg, Datblygu Polisi ac Ymchwil.

Mae ar gyfer y rheini sydd eisoes wedi dechrau ymwneud â chyfres Uwch Arweinwyr DARPL. Ceir rhagofynion ac ymrwymiad i fynychu’r deg sesiwn a amlinellir yn y Llyfryn Gwybodaeth. Rydym yn gweithio gyda dwy brif garfan, un yng Ngogledd Cymru ac un arall yn y De. Mae’r dull cyflwyno yn gymysgedd o sesiynau byw ar-lein ac wyneb yn wyneb.  

Dyma’r canlyniadau Dysgu Proffesiynol o fynychu’r gyfres hon:

1. Adnabod ymarfer proffesiynol ac arweinyddiaeth wrth-hiliol a chynyddu ymwybyddiaeth drwy hunan-fyfyrio dilys estynedig gan gynnwys archwilio gwynder, deinameg pŵer mewn arweinyddiaeth ac ymarfer proffesiynol.
2. Diffinio (yn eu cyd-destun proffesiynol eu hunain) arferion allweddol arweinyddiaeth wrth-hiliol a chydraddoldeb hiliol.
3. Arwain / meithrin mannau diogel a dewr yn eu sefydliadau/ymarfer proffesiynol drwy ddiwygio polisïau ac arferion.
4. Creu deunyddiau, polisïau ac amgylcheddau i gefnogi ymarfer a llesiant proffesiynol gwrth-hiliol.
5. Rhoi dysgu proffesiynol ar waith drwy ymchwil gweithredol / drwy dreialu / adolygu yng nghyd-destun eu gwaith eu hunain.
6. Ymchwilio i’r heriau / rhwystrau sy’n bodoli i arweinwyr haen ganol ac uwch wrth symud oddi wrth arferion cynhwysol generig i ddiwylliant gwrth-hiliol ar draws y sefydliad cyfan.
7. Pwyso a mesur a dadansoddi’r camau a gymerwyd i ddiwygio Cynlluniau Gwella a Chynlluniau Tegwch Strategol, wrth ystyried gwrth-hiliaeth.
8. Datblygu meddwl beirniadol ar gydraddoldeb hiliol ac mewn perthynas ag ysgrifennu/ymchwil academaidd.