Bu Sylfaenydd a Chyfarwyddwr DARPL, Chantelle Haughton, yn croesawu Carfan 6 (Gogledd a De gyda’i gilydd) ac yn lansio’r garfan yn swyddogol, gan ddod â dros 23 o arweinwyr at ei gilydd. Cynhaliwyd y digwyddiad ar 22 Medi 2026 yn Ystafelloedd Cynadledda 2 a 3, Campws Cyncoed, Prifysgol Metropolitan Caerdydd.
Am ddechrau ysbrydoledig i Garfan 6 Cyfres Arweinyddiaeth Uwch DARPL (ELS) (Gogledd a De gyda’i gilydd). Roedd yr ystafell yn llawn grŵp eithriadol o amrywiol ac ymroddedig o arweinwyr o ysgolion, awdurdodau lleol, a lleoliadau addysg ehangach, i gyd wedi’u huno gan uchelgais a rennir i hyrwyddo tegwch, cynhwysiant ac arferion gwrth-hiliol ledled Cymru.
Roedd Kate Powell a Tanya Papworth-Morgan o’n partner gwerthfawr, Show Racism the Red Card, yno i hwyluso sesiynau Diwrnod 1, gan roi cefnogaeth i’r rhai oedd yn cymryd rhan i ymgysylltu mewn ffordd feirniadol â chysyniadau, heriau a materion sy’n ymwneud â thegwch, cynrychiolaeth ac arweinyddiaeth. Yn y cyfamser, rhoddodd Athro Allgymorth Cenedlaethol DARPL a Chydlynydd ELS Leon Andrews, drosolwg o’r arolwg cyn y cwrs, strwythur y rhaglen, a disgwyliadau’r cyfranogwyr. Chwaraeodd tîm ehangach DARPL rôl allweddol hefyd wrth ddarparu cefnogaeth i’r rhai oedd yn bresennol trwy gydol y dydd, gan helpu i greu amgylchedd dysgu croesawgar, cydweithredol a diddorol.
Un o’r themâu allweddol yn ystod y dydd oedd grym cydweithredu. Archwiliodd y rhai oedd yn bresennol y croestoriad rhwng eu blaenoriaethau sefydliadol eu hunain ac agendâu diwygio addysg ehangach, gan nodi cyfleoedd i weithio ar y cyd a mynd ar drywydd yn ymwneud mwy â chydraddoldeb, perthyn, a chanlyniadau gwell i bob dysgwr.
Cawsom y fraint o glywed gan griw rhagorol o gyfranwyr gwadd, gan gynnwys Dr Gaynor A. Legall, Cadeirydd Ymddiriedolwyr Tiger Bay and The World (The Heritage & Cultural Exchange); yr Athro Gavin Porter; Rebecca Eversley; Linda; a chyn-fyfyriwr ELS Emma Turner, Pennaeth Ysgol Gynradd Springwood. Roedd eu cyfraniadau yn herio meddwl cyfranogwyr, ysbrydoli myfyrio dwfn, ac yn tanlinellu pwysigrwydd arweinyddiaeth ddewr, sy’n seiliedig ar werthoedd, wrth greu amgylcheddau dysgu cynhwysol a theg. Roedd eu safbwyntiau amrywiol yn cyfoethogi’r trafodaethau a gafwyd trwy gydol y dydd ac yn atgyfnerthu’r ymrwymiad ar y cyd i yrru newid ystyrlon a chynaliadwy ledled Cymru.
Mae’r Gyfres Arweinyddiaeth Uwch yn un o raglenni blaenllaw DARPL, mae wedi’i lunio i ddyfnhau hunanystyriaeth, datblygu gofodau dewr, datgymalu rhwystrau i newid, a datblygu strategaethau gwrth-hiliol sy’n creu effaith wirioneddol a pharhaol mewn ysgolion a sefydliadau dysgu.
Mae ein hyfforddiant ELS yn rhad ac am ddim ac yn cael ei ariannu yn benodol ar gyfer arweinwyr mewn ysgolion, lleoliadau gofal plant, lleoliadau chwarae, blynyddoedd cynnar, awdurdodau lleol, sefydliadau rhanddeiliaid, ac ITE. Mae angen i arweinwyr Addysg Bellach (AB), Addysg Uwch (AU), ac arweinwyr mewn cyd-destun addysg ehangach dalu am le.
Os ydych chi’n ystyried ymuno â Chyfres Arweinyddiaeth Uwch a Chymuned Ymarfer DARPL, gallwch ddysgu mwy trwy ddilyn y ddolen hon: https://darpl.cymru/community-of-practice/enhanced-leadership-series/
Ymunwch â Charfan 7 ELS
Os ydych chi wedi ymrwymo i ddatblygu arweinyddiaeth gwrth-hiliol, rydym yn eich annog i gofrestru’ch diddordeb.
Mae archebion ar gyfer Carfan 7 Cyfres Arweinyddiaeth Uwch yn dal ar agor.
De Cymru – dyddiad dechrau 13 Ionawr 2027
Gogledd Cymru – dyddiad dechrau 20 Ionawr 2027
Dyma’r ddolen i fynegi eich diddordeb: Ffurflen Ymholiad Cyfres Arweinyddiaeth Uwch.
